Nemesigin Kulna Nmaryam | ነመስግን ኩልና ንማርያም

ነመስግን ኹልና ንማርያም ኣዴና
ቅድስተ ቅዱሳን ኣደ መድሓኒና
ንጽህተ ንጹሃን ኣደ ፈጣሪና
ርህርህተ ሕሊና ማርያም ኣዴና
ቅዱስ ገብሪኤል መጹ ሰላም ለኪ ኢሉኺ
ናይ ክርስቶስ ኣደ ድንግል ደስ ይበለኺ
ካብ ኣንስቲ ኹለን ዝተባረክኺ ኢኺ
ሰማያዊ ምስጢር ዝተገለጸልኺ
- - - - - - ኣዝ - - - - - -
ንዓኺ መሪጹ ከይተፈተጥረ ዓለም
ብሓቂ ይመስገን ይኽበር ንዘልኣለም
ንዓኺ መሪጹ ርህሩህ መድሃኔ ኣለም
ብሓቂ ይመስገን ይኽበር ንዘልኣለም
- - - - - - - ኣዝ - - - - - - -
ብጌጋ ብፍልጠት ኣደ ዝሰኣንኩም
ንዑ ተመለሱ ማርያም ኣላትኩም
ብጌጋ ብስሕተት ድንግል ዝኸሓድኩም
ንዒ በልዋ ደቀይ ክትብለኩም
- - - - - - - ኣዝ - - - - - - - -
ዋሕስ ናይ ህይወትና ኣምላኽ ዝሃበና
ድንግል ማርያም ኢያ ማህደር ናይ ነብስና
ኣደን ድንግልናን ክልቲኡ ሒዝኺ
ድንግል ናትና ተስፉ ፍልይቲ’ኾ ኢኺ
- - - - - - - ኣዝ - - - - - - - --
ንዘምር ኩላትና ንጎይታ ፈጣሪ
ስለዝሃበና ናይ ዘለኣለም ክብሪ
ንዘምር ኩላትና ንጎይታ ፈጣሪ
ስለዝሃበና ናይ ዘልኣለም ጽድቂ
- - - - - - - ኣዝ - - - - - -