Dinigil Haderaki | ድንግል ሓደራኪ

ድንግል ሓድራኺ ከይጠፍእ ብኸንቱ
ብሓጥያት ኣበሳ ኣብ ሲኦል ከይኣቱ
እነብር ኣለኹ ኣብ ጸልማት ዓዘቕቲ
ተገዚኤ ኣለኹ ንስጋ መዋቲ
ሎሚ ይኹን ጽባሕ ዕድመይ ዘይፈለጥኹ
ብምድራዊ ህይወት እታለል ኣለኹ
ሎምስ ይኣኽለኒ ናይ ሓጥያት ባርነት
ካብ ኣምላኽ ርሒቐ ዘሕለፍክዎ ህይወት
- - - - - ኣዝ - - - - - -
ድንግል ለምንለይ ዕድመ ንንሰሓ
ከምዚ ኢለ ከለኹ ከይወሰደኒ ናብኣ
ዝብሎ የብለይን ኣባኻ ቀሪበ
ስለ’ዚ ኣብ ጸልማት ጎደሉ ከይድርበ
ብርሃን ዝርእየሉ ካብ ጸልማት ሪሒቐ
እርኢ’ዶ ይኸውን ምስኡ ተዓርቐ
- - - - - ኣዝ - - - - - -
ድንግል ሓደራ’ታ ናይ ፍርዲ ዕለት
ኻባይ ኣይትርሓቒ ክነብር ብህይወት
ሚዛነይ ከይቀልል ከይበዝሕ ሓጥያተይ
ሓደራኺ ድንግል ጽላልኪ ኣውድቕለይ
ንጸልይ ኹልና ንስሓ ኣቲና
መንግስቱ ክንወርስ ከምቶም ኣቦታትና
- - - - - ኣዝ - - - - - -