Asteraya Gebriil | ኣስተርአያ ገብሪኢል

ኣስተርኣያ ገብርኤል ግብተ
ወእንዘ ትፈትል ወርቀ ወሜላተ
ካብ ማእከል ደቂ ኣዳም ካብ ዘርኢ ናይ ዳዊት
ንማርያም መሪጹ ክትኮኖ መሕደሪት
ተሰዓን ትሽዓተን መላእኽቲ ገዲፉ
ንኣዳም ክድሕኖ ናብ ምድሪ ወሪዱ
- - - - - - - - ኣዝ - - - - - - -
ኣብ ቤተ መቕደስ ኮይና ሃሪ እንዳፈተለት
ገብርኤል ነገራ ሰማያዊ ብስራት
ብግሩም ሰላምታ ክትጠንሲ ኢኺ ኢሉ
ኣብ ማህጸን ሓዲሩ ተፈጺሙ ቃሉ
- - - - - - - - ኣዝ - - - - - -
ካብ ክቡር ዝፋኑ ካብ መንበር ወሪዱ
ኣድሒኑና ጎይታ ስጋና ወሲዱ
ንጉሰ ናይ ነገስታት በጃ ኩሉ ዓለም
ንዓና መሲሉ ህያው መድሃኒ ኣለም
- - - - - - - - ኣዝ - - - - - - - -
ሰብ ጥበብ ሰሚዖም ንጉስ ከም እትወልደ
ህያብ ኣቕረብሉ ወርቂ ዕጣን ከርቤ
ናይ ነገስታት ህያቦም ምስሃቡ
ናይ ዳዊት ትንቢቱ ተፈጺሙ ሽዑ

ዮም ፍስሃ ኮነ